Charter Document - 02360574
| Charter Number: | 02360574 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1257 |
| Date type: | Internal, A.D. |
| Resource Link(s): |
|
Charter:
Guillermus Dei gratia Nivernensis episcopus Universis ad quos presentes littere pervenerint eternam in Domino salutem Notum facimus quod cum nos teneremur acquirere hereditatem usque ad valorem sexaginta librarum turon ad augmentationem bonorum domus nostre de Evriaco quam tenemus a capitulo Senon nos volumus et concedimus quod vinea nostra que vocatur planta retro domum monialium Sancti Antonii Senon sita item vinea nostra de Evriaco et domus nostra sita ante portam domus predicte de Evriaco cum platea et appendiciis omnibus ejusdem domus cedant in propriam hereditatem domus predicte de Evriaco pro precio sexaginta librarum predictarum retento tamen in domo de Evriaco et rebus predictis nobis quamdiu vixerimus usufructu et post decessum nostrum domus predicta de Evriaco cum rebus superius nominatis ad capitulum Senon libere revertetur Quod ut ratum permaneat et securum presenti scripto sigillum nostrum duximus apponendum Actum apud Sanctum Sydronium anno Domini MCC quinquagesimo septimo mense octobri