Charter Document - 02360573

Omnibus presentes litteras inspecturis magister Petrus officialis curie Senonensis salutem in Domino Notum facimus quod coram mandato nostro videlicet coram magistro Adam de Gressio clerico jurato curie Senon ad hoc audiendum a nobis loco nostri specialiter destinabo constituti nobilis mulier Heluisis domina Calvimontis et Petrus de Barris miles filius ejus recognoverunt quod ipsi quittaverant imperpetuum omnes homines suos ab omni servitute corporis et a qualibet alia exaccione videlicet tallie ablacionis rege et corveie ita videlicet quilibet dictorum hominum tenebitur reddere annuatim ubicumque eat vel maneat duodecim denarios Tur ratione dicte liberratis ipsis et heredibus suis vel eorum mandato in crastino Omnium Sanctorum videlicet homines de Villamanesche cum pertinenciis usque ad Senonas scilicet de Pontibus et de Gisiaco apud Villammanesche et homines de Capella de Campigniaco de Villanova Guiardi et de Villablovain usque ad Moretum tam citra Yonam quam ultra commorantes et homines de Calvamonte cum pertinenciis apud Calvummontem ac homines de Dyante apud Dyantem Preterea homines singuli dictorum hominum qui erunt extra averiam tutelam seu curacionem sive sint cubantes in terra dictorum Heluisis Petri et heredum suorum sive extra tenebuntur reddere dictos duodecim denarios turon pro dicta libertate ipsis seu heredibus eorum aut mandato suo Poterunt etiam dicti homines maritare filios sua et filias suas ubicumque et quibuscumque voluerint verumtamen ubicumque ibunt vel manebunt tenebuntur reddere ut dictum est dictos duodecim denarios tur pro dicte libertate ipsis seu heredibus eorum aut mandato suo Si vero ad dictum terminum dictos duodecim denarios non redderent quilibet ipsorum deficiens in solucione ut dictum est facienda teneretur reddere quinque solidos turon pro emenda Si autem facere voluerint de filiis suis clericos poterunt hoc facere sine licentia dictorum Heluisis et Petri seu heredum suorum ita tamen quod si clericus ad maritagium recurreret vel clericalem habitum deposuerit tenebitur similiter ad solucionem dictorum duodecim denariorum ad terminum supradictum concesserunt eciam dictis hominibus suis quod fore facta sexaginta solidorum venient ad quinque solidos tur et fore facta quinque solidorum ad duodecim denarios tur et clamor prepositi ad quatuor denarios tur Si vero de legitimis hominibus duellum factum fuerit obsides devicti centum et duodecim solidos tur persolvent Si autem aliquis equos vel animalia dictorum hominum in nemoribus dictorum Heluisis Petri et heredum suorum invenerit non debet ea ducere nisi ad prepositum ipsorum et si aliquod animal a tauris fugatum vel a muscis coactum intraverit boscum suum nichil ideo debebit emendare ille cujus animal fuerit si custos ejusdem animalis poterit jurare quod custode invito illud intrasset sed si aliquo custodiente scienter illud inventum fuerit quatuor denarios tur pro illo debebit et pro una quaque ove unum denarium tur Si vero plura fuerint animalia ibi inventa quatuor denarios tur reddet ille cujus eadem erunt animalia pro uno quoque animali Dicti quoque homines communi assensu eligent messores ad custodiendum fructus et exitus suos ac bona ipsorum qui messores dicte Heluisi et Petro et heredibus suis seu preposito ipsorum jurabunt quod dictorum fructus exitus et bona fideliter conservabunt et quod omnia fore facta de quibus debebit emenda haberi dicto preposito revelabunt et capciones ei adducent Si vero non placuerit eis eligere messores nec habere ipsi jurabunt eisdem Heluisi et Petro et heredibus suis seu preposito ipsorum quod alter alterius fructus et bona fideliter servabit et fore facta seu preposito revelabit et capciones ei adducet sicut est predictum Si vero contigerit quod fore factum ad prepositum devenerit prepositus faciet illi cujus fore factum fuerit dampnum suum restaurare et si fore factum ad prepositum non pertineat messeres ad illum cujus dampnum fuerit gagia repertabunt et ille messoribus messariam suam reddet videlicet unum denarium tur pro messaria Nullus dictorum hominum in expedicionem vel equitacionem seu citacionemve tenebitur quin ad domum suam si velit redeat ipsa die si autem amplius pernoctare vel amplius moram facero quinquam contigerit ipsi Heluisis et Petrus et heredes eorum tenebuntur ipsum racionabiliter procurare Quilibet dictorum hominum tenebitur habere armaturam secundum possibilitatem suam Dicti homines pascua in nemoribus dictorum Heluisis et Petri et heredum suorum habebunt post quintum folium ad oves animalia et equos suos Nullus dictorum hominum legitimus seu fidelis captus tenebitur si plegium veniendi ad jus dare poterit Si quis dictorum hominum debite seu fore facto ipsorum Heluisis Petri seu heredum suorum detentas fuerit ille pro cujus debito seu fore facto detentus fuerit cum suis sumptibus tenebitur eum servare indempnem Si quis dictorum hominum detentas fuerit pro suo debito vel fore facto dicti Heluisis et Petrus ac heredes ipsorum tenebuntur eum liberare cum sumptibus ejus qui debuerit debitum seu commiserit fore factum Ipsi eciam Heluisis et Petrus et heredes sui tenentur et juramento solempniter prestito promiserunt se servaturos inviolabiliter omnia et singula supradicta heredesque et successores suos ad ea omnia imperpetuum observanda obligarunt et esse voluerunt obligatos Voluerunt eciam quod quociens alter ipsorum heredum suorum unus post alium successerit et eciam prepositi et heredum suorum quociens mutabuntur jurent se fideliter servaturos omnes dictas consuetudines cum omnibus et singulis prenotatis Nobilis siquidem mulier Aalidis uxor dicti Petri de Barris et Guillelmus ac Guido liberi eorum coram dicto mandato nostro predicta omnia et singula concesserunt spontanei et juramento solempniter prestito promiserunt se ea omnia firmiter et fideliter servaturos ita quod dicti liberi renunciaverunt excepcioni minoris etatis beneficio restitucionis in integrum et excepcioni que posset objici pro eo quod tunc temporis essent in avonea seu tutela prefata quoque Aalidis renunciavit expresse excepcioni si que posset in posterum ei competere racione dotis hereditatis conquestus sive pro eo quod non habebat pro hoc commutacionem alterius rei Promiserunt eciam et tenentur dicti Heluisis et Petrus cum sumptibus suis perquirere et dare dictis bominibus litteras domini regis Navarre sigillo ipsius sigillatas continentes quod ibidem dominus rex gratas habet et acceptas convenciones has quantum ad ea que movent de feodo ejusdem domini regis seque supposuerunt quantum ad predicta sepe dicti Heloisis et Petrus Aalidis Guillelmus et Guido juridicioni curie Senon In cujus rei testimonium presentibus litteris ad peticionem ipsorum Heloisis Petri Aalidis Guillelmi et Guidonis sigillum curie Senon duximus apponendum Actum apud Calvummontem coram dicto mandato nostro anno Domini millesimo ducentesimo quadragesimo septimo mense marcio dominica qua cantatur Letare Jerusalem Quod autem in dictis litteris vidimus contineri de verbo ad verbum transcribi fecimus et sigilli curie Senon sigillari Datum anno Domini millesimo ducentesimo quinquagesimo septimo mense augusto