Charter Document - 02360572

Universis presentes litteras inspecturis G decanus totumque capitulum ecclesie Senon in Domino salutem Notum facimus quod cum reverendus pater et dominus H divina providentia Senon archiepiscopus ad utilitatem commodum et honorem archiepiscopatus et ecclesie Senon consideratione provida respiciens et intendens ad usum perpetuum ecclesie Senon emisset a Gilone quondam filio Gaufridi de Noolonio militis quondam domini de Noolon castrum de Noolon cum omnibus edificiis appendentibus portis pontibus et rebus aliis existentibus infra fossata assensu religiosorum virorum abbatis et conventus Sancti Johannis Senonensis qui dicti castri et locorum circum adjacentium erant domini feodales et requisito pariter et obtento et ut idem dominus posset acquirere in ipsorum feodo circumquaque de possessionibus prefati Gilonis ad opus tamen ecclesie prelibate eidem domino ab eisdem religiosis concesso idem dominus postmodum consideratis iterum utilitatibus et commoditatibus archiepiscopatus et ecclesie Senon diligentius et perpensis de voluntate et assensu et quantum ad hoc preconcessis permutavit cum dicto Gilone quinquaginta sex arpenta et dimidium ad arpentum regis tam pratorum virgultorum quam terre arabilis que idem Gilo in locis vicinis tenebat et possidebat tempore quo tenebat castrum predictum videlicet virgultum quod dicitur supra fontem clausum ante portam terram que dicitur inter fontem et sabulariam prout mete comportant terram que dicitur terra de Groseliers et de Noeles prata et noam de subtus Noolon ortum eisdem pratum contiguum et noam sub eodem orto ac granchiam pertinentem ad archiepiscopatum Senon sitam apud Granchetes quam olim bone memorie P archiepiscopus Senon contulerat ad vitam suam P archidiacono Vastinensi et ad sexaginta decem arpenta ad eandem mensuram tam pratorum quam terre arabiles eidem granchie contigua versus stratam que ducit de Senonis ad Pontes item terram que dicitur campus de Quatre Omnes et peciam terre juxta stratam que ducit de Senonis ad Pruvinensem subtus vineas de Cuisiaco que ad dictum archiepiscopatum pertinebant ita quod idem dominus et successores sui dictas res sibi ab eodem Gilone taliter permutat et idem Gilo et heredes sive successores sui dictam granchiam cum aliis rebus predictis in feodum et homagium ligium ab eodem domino archiepiscopo tenebunt de cetero et imperpetuum possidebunt Actum est etiam quod res predicte transeunt cum onere sua et libertate sua videlicet quod terre permutate dicto Giloni ab omni decima et terragio remanent libere penitus et immunes terre vero que remanent domino archiepiscopo ex causa permutationis predicte tenentur ad decimam et in statu isto tenentur quilibet res predictas alteri garantire Nos autem prefatam permutationem archiepiscopatu et ecclesie Senon utilem cognoscentes eam volumus approbamus et in omnibus acceptamus ac bona fide promittimus nos permutationem hujusmodi decetero servaturos et contra imposterum aliquatenus non venturos In cujus rei testimonium presentibus litteris sigillum nostrum duximus apponendum Actum in capitulo nostro anno Domini millesimo ducentesimo quinquagesimo septimo die sabbati post Inventionem Sancti Stephani mense augusto