Charter Document - 02360563
| Charter Number: | 02360563 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1256 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Hugo decanus Tornodori salutem in Domino Noverint universi quod in nostra presentia constitutus nobilis vir Milo dominus de Froloys et de Milliaco miles recognovit se in perpetuum quittasse viris religiosis abbati et conventui de Pontigniaco Cyst ord Autissiod dioc duos homines de Bena scilicet Johannem dictum Coterant et Guidonem dictum Coterant et ipsorum heredes quos nobilis mulier Agnes quondam domino de Miliaco mater ejusdem domini Milonis dederat dictis abbati et conventui in puram et perpetuam elemosinam pro sue et antecessorum suorum remedio animarum prout dictus dominus Milo recognovit plenius coram nobis ita quod dictus dominus Milo aut ejus heredes in eisdem hominibus aut heredibus seu rebus ipsorum nichil juris nichil dominii seu homagii de cetero poterit reclamare Recognovit etiam dictus dominus Milo coram nobis se debere dictis abbati et conventui de Pontigniaco novem bichetos avene annui redditus ad mensuram Chableyarum reddendos singulis annis eisdem abbati et conventui de Pontigniaco in festo B Remigii in domo ipsorum de Chableiis volens et concedens dictus dominus Milo quod si dicti novem bicheti avene dictis abbati et conventui dictis loco et tempore soluta non fuerint ipsi abbas et conventus novem bichetos avene quos ipsi debent ut dicitur eidem domino singulis annis ad mensuram et terminos antedictos de terris ipsorum de Fontinella totaliter detineant sine contradictione aliqua absque ulla emenda eidem domino Miloni sive ejus heredibus facienda Debet autem idem dominus Milo premissis abbati et conventui dictos novem bichetos avene annui redditus pro anniversario dicte Agnetis matris sue in ecclesia Pontigniaci annis singulis faciendo prout idem dominus Milo recognovit voluntarie non coacte Hec autem universa et singula antedicta promisit et tenetur dictus dominus Milo per juramentum suum super hec corporaliter prestitum fideliter et firmiter observare et in perpetuum contra predicta vel aliquod predictorum per se sive per alium non venire In cujus rei testimonium ad dicti domini Milonis petitionem presentibus litteris sigillum nostrum apposuimus Actum anno Domini millesimo ducentesimo quinquagesimo sexto mense septembri