Charter Document - 02360553
| Charter Number: | 02360553 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei dilectis filiis [] Abbati et conventui monasterii Pontiniac cisterciensis ordinis Autissiod diocesis salutem et apostolicam benedictionem Sanctorum meritis inclita gaudia fideles Christi assequi minime dubitamus qui eorum patrocinia per condigne devotionis obsequia promerentur illum que venerantur in ipsis quorum gloria ipse est retributio meritorum Nos igitur ad consequenda predicta gaudia causam dare fidelibus populis cupientes omnibus vere penitentibus et confessis qui ecclesiam vestram in die anniversarii translationis corporis gloriosissimi confessoris Edmundi quiescentis in ipsa cum devotione et reverentia visitaverint annuatim peccatorum suorum veniam petituri a Domino de omnipotentis Dei misericordia et beatorum Petri et Pauli apostolorum ejus auctoritate confisi unum annum et singulis septem diebus immediate sequentibus diem illum ex premissa causa ad eandem ecclesiam accessuris quadraginta dies de injuncta sibi penitentia misericorditer relaxamus Datum Neapoli nonis aprilis pontificatus nostri anno primo