Charter Document - 02360552
| Charter Number: | 02360552 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1255 |
| Date type: | Internal, A.D. |
| Resource Link(s): |
|
Charter:
Ego Milo dominus Noeriorum notum facio omnibus presentes litteras inspecturis quod ego pro salute anime mee et antecessorum meorum et pro anniversario bone memorie Milonis quondam domini Noeriorum patris mei et meo in ecclesia Fonteneti annuatim in perpetuum faciendo laudavi approbavi et concessi tanquam dominus feodi dicte ecclesie Fonteneti et fratribus ibidem Deo servientibus quidquid iidem fratres et eorum predecessores acquisierunt in territorio de Solenge de feodo meo in terris et pratis sicut inferius annotantur Videlicet in Campo Marcheboe sex jornalia in campo magistri Thome quatuor jornalia in campo Domine Floride tria jornalia in campo de Fornet duo jornalia item subtus le Fornet sex jornalia item in loco qui dicitur a l'Espine duo jornalia item in campo Andree dicti Quatreeus septem jornalia in campo Athonis duo jornalia in campo prope abbatiam Sancti Martini duo jornalia in campo Johanis de Die sex jornalia in campo dou Codroy octo jornalia item au Codroy tria jornalia que sunt ou costal item due sceature prati que fuerunt Athonis de Tornodoro dicti Strabonis Hec autem omnia que predicta sunt sunt in mea custodia nec dicti Fontenetenses sub alterius dominii custodia ponere poterunt sed in custodia mea et heredum meorum in perpetuum remanebunt In cujus rei perpetuam firmitatem robur ac testimonium presentes litteras tradidi sepe dictis Fontenetensibus sigilli mei munimine roboratas Actum anno Domini MCCLV mense aprili