Charter Document - 02360545
| Charter Number: | 02360545 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1252 |
| Date type: | Internal, A.D., Feast |
| Resource Link(s): |
|
Charter:
Nos Mathildis comitissa Nivernensis notum facimus universis quod nos ob remedium anime nostre et antecessorum nostrorum et pro nostro anniversario in ecclesia Beati Stephani Senon annuatim imperpetuum post decessum nostrum honorifice faciendo dedimus imperpetuum et concessimus predicte ecclesie Senon et capitulo ipsius ecclesie decem libras turon annui redditus in censa nostra Autissiod annuatim percipiendas in crastino Focorum Volumus etiam et precipimus ut episcopus Autissiod qui pro tempore fuerit in personam heredis vel successores nostri excommunicationis et in terram ipsius interdicti sententias proferat si contra donum istud venire attemptaverit ullo modo non relaxaturus ipsas quousque de predicto redditu dicto capitulo fuerit plenarie satisfactum In cujus rei testimonium sigillum nostrum presentibus litteris duximus apponendum Datum apud Clamiciacum die dominica post festum Beati Nicolai anno Domini MCCL secundo mense decembri