Charter Document - 02360544
| Charter Number: | 02360544 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1252 |
| Date type: | Internal, Regnal |
| Resource Link(s): |
|
Charter:
Henricus Dei gratia rex Anglie dominus Hibernie dux Normannie Aquitanie et comes Andegavensis omnibus ad quos presentes littere pervenerint salutem Sciatis nos dedisse concessisse et hac carta nostra confirmasse pro nobis et heredibus nostris dilectis nobis in Christo abbati et conventui de Pontiniaco viginti marcas sterlingorum singulis annis percipiendas in perpetuum de firma civitatis nostre Cantuarie ad Pascha per manus ballivum nostrorum ejusdem civitatis ad quatuor cereos continue ardentes sustentandos in ecclesia sua de Pontiniaco circa feretrum B Eadmundi confessoris ibidem Et si forte contingat quod dicti abbas et conventus de Pontiniaco subtraherent dictos quatuor cereos subtraherentur eis dicte viginti marche annue ita videlicet quod nichil de predictis viginti marcis percipient quamdiu dictos cereos continue ardentes non invenerint hiis testibus Radulpho filio Nicholai Bertramo de Cryoyl magistro Willelmo de Kilkenny archidiacono Coventr Roberto de Schotendun Roberto Walerando Willelmo de Charny Willelmo Gernum Radulpho de Bakepus et aliis Datum per manum nostram apud Bruer quarto die novembris anno regni nostri tricesimo sexto