Charter Document - 02360543
| Charter Number: | 02360543 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1252 |
| Date type: | Internal, A.D., Feast |
| Resource Link(s): |
|
Charter:
Gilo Dei gratia Senon archiepiscopus M Carnotensis R Parisiensis G Aurelianensis G Autissiod P Meldensis et N Trecensis eadem gratia episcopi christianissimo in Christo illustri viro Th Dei gratia regi Navarre Campanie et Brie comiti palatino salutem et sinceram in Domino caritatem Cum alias ex parte concilii provincialis Senon per litteras nostras monitorias vos requisierimus et rogaverimus ut ea que de bonis ecclesiasticis a quadraginta annis citra acquisitis saisiri feceratis desaisiri faceretis et preces et monitio predicte nondum fuerint a vobis effectum aliquem consecute sed magis ac magis de die in diem adhuc incessanter in potestate Campanie saisiantur necnon et alia multa gravamina ecclesiis et personis ecclesiasticis earumque hominibus inferantur contra immunitatem ecclesie et ecclesiasticam libertatem prout vobis magister Johannes de Vernolio nuncius noster ad hoc specialiter destinatus plenius explicabit serenitatem vestram tenore presentium et per predictum nuncium auctoritate predicti concilii rogandam duximus et monendam ut saisita desaisiri faciatis quousque de jure vestro constiterit evidenter et a predictis gravaminibus desistatis et vestros ministeriales desistari faciatis Licet enim honori et persone vestre in quantum possemus deferre velimus omittere tamen non possumus nec debemus quin oppressioni ecclesiarum prout juris est succurramus Sciatis pro certo quod jus vestrum absorbere non volumus sed potius ipsarum ecclesiarum indemnitatibus quantum cum Deo possumus subvenire Datum Parisius die veneris post festum Sancti Martini hyemalis anno Domini MCCLII