Charter Document - 02360531
| Charter Number: | 02360531 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1249 - 1250 |
| Date type: | Internal, A.D. |
| Resource Link(s): |
|
Charter:
Ego Galcherus de S Florentino miles dominus Paceii et Elisabeth uxor mea notum facimus omnibus presentis litteras inspecturis quod cum controversia verteretur inter nos ex una parte et religiosum virum abbatem et conventum Reigniac ex altera super quodam nemore sito in potestate Castricensorii quod dicitur nemus de Bergerete quod nemus dicti abbas et conventus dicebant suum esse de elemosina bone memorie Guillelmi quodam Comitis Nivern et pie memorie quondam predecessorum nostrum Hugonis quondam domini Montis Sancti Johannis et Stephani filii ejus et insuper Poncii quondam domini de Charneio nobis e contrario asserentibus quod eramus in possessione dicti nemoris et fueramus per longum tempus et quod dictum nemus erat nostrum Tandem post multas altercationes mediantibus bonis viris talis inter nos et dilectos abbatem et conventum compositio intercessit quod nos credentes dictos abbatem et conventum Reigniac in dicto nemore aliquod juris habere volumus et concessimus quod ipsi habeant et possideant in perpetuum quiete et pacifice et absque ulla contradictione medietatem dicti nemoris de Bergerete cum fundo [] Insuper ego Elisabeth domina Tilii spontanea et non coacta de mea voluntate hec omnia laudavi et approbavi cum predictum nemus esset de hereditate mea [] Actum anno Domini MCCXLIX mense martio