Charter Document - 02360530
| Charter Number: | 02360530 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1249 - 1250 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Petrus Senon curie officialis in Domino salutem Notum facimus quod in nostra presentia constituti Jobertus dictus Gibez Odo Troillarz Johannes Adelina uxor sua filii dicti Odonis Guillelmus Burioz et Ysabellis uxor sua de Pontibus super Vannam recognoverunt quod cum esset inter ipsos ex parte una et homines inferius nominandos ex alia contentio videlicet Galterum de Monte Gerini forestarium de Hoschiis Stephanum Desret Galterum Lo Borracier Sarradinum filium Benedicti Tisonet a [] Theobaldum Huboot et Huguenetum de Varolliis homines ut dicitur ecclesie Sancti Remigii Senon videlicet de nece defunctorum Johannis dicti Angeli et Milonis filii dicti Johannis Gibet tandem de contentione illa fuit inter homines primo nominatos et uxores predictas et alios homines secundo nominatos amicabiliter compositum per dominum Nicholaum de Manoto militem ballivium Senon sicut homines primo nominati coram nobis recognoverunt et per illam compositionem predictam dicti homines primo nominati et uxores predicte quitaverunt in perpetuum coram nobis homines secundo nominatos et eorum heredes et ecclesiam Sancti Remigii Senon et abbatem et conventum ejusdem loci de tota contentione predicta et etiam omnem racorem et odium que habebant erga ipsos Remiserunt coram nobis dicti homines et uxores primo nominati ratione vel occasione necis dictorum defunctorum remiserunt coram nobis hominibus secundo nominatis et eorum heredibus et abbati et conventui predictis Et pro compositione et quitatione sicut predictum est factis dicti homines et uxores primo nominati coram nobis recognoverunt se a dictis abbate et conventu Sancti Remigii Senon quinquaginta libras paris et quadraginta solidos turon in pecunia numerata habuisse et decem et octo sextarios bladi de quibus denariis predictis et de dicto blado dicti homines et uxores primo nominati se coram nobis tenuerunt a dictis abbate et conventu pro pagatis et de quibus ipsos abbatem et conventum et eorum ecclesiam quitaverunt in perpetuum coram nobis Et promiserunt fide data in manu nostra ipsi homines primo nominati et uxores primo nominate quod contra predictas solutiones et quitationes per se vel per alios non venient in futurum Et recognoverunt quod hec faciebant spontanei non coacti et quantum ad hoc se supposuerunt jurisdictioni curie Senon Actum anno Domini MCC quadragesimo nono mense februarii