Charter Document - 02360526
| Charter Number: | 02360526 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1248 - 1249 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Hugo Dei gratia Virziliacensis abbas salutem in Domino Notum facimus quod constitutus coram nobis Petrus de Blegniaco armiger recognovit se vendidisse et in perpetuum quitavisse Riviloni majori Sancti Florentini nomine regis Navarre quicquid habebat in venta Sancti Florentini Quam venditionem Helvidis uxor ipsius Petri coram nobis voluit laudavit et concessit spontanea voluntate non coacta Promiserunt siquidem tam dictus Petrus quam predicta uxor sua per fidem suam in manu nostra corporaliter prestitam quod contra hujusmodi venditionem non venient per se vel per alium in futurum Renuntiantes in hoc facto omni exceptioni dotis pro mulieribus in favorem ipsarum introducte omnique juris auxilio tam canonici quam civilis omnique defensioni que partialiter posset nocere et in parte aliqua ipsos in posterum relevari In cujus rei testimonium ad instantiam prefati Petri et Heluydis uxoris sue presentes litteras sigilli nostri muni[m]ine duximus roborandas Actum anno Domini MCCXLVIII mense januario