Charter Document - 02360525
| Charter Number: | 02360525 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1248 |
| Date type: | Internal, A.D. |
| Resource Link(s): |
|
Charter:
Elemosina Thome fratris Baldoini de Balloil Nos Matildis comitissa Nivernensis notum facimus universis presentibus et futuris quod in nostra presencia constitutus Thomas frater defuncti Baldoini de Balloil quondam servientis nostri coram nobis voluit et concessit quod si forte contingeret ipsum Thomam in viagio sancte Crucis decedere quod quedam vinea sua sita apud Buyssi quam Baldoinus predictus emit a Martino dicto Bataille pro remedio animarum ipsorum Thome et Baldoini sit quita et libera fratrum milicie Templi et quod extunc ipsam possideant in perpetuum pacifice et quiete Et si forte ipsum Thomam revenire contingat dictam vineam suam sibi quitam ut antea rehabebit Et sciendum quod si ipsum Thomam ultra triennum morari contingeret extunc dicti fratres milice Templi possent saisire dictam vineam sed ipsam dictus Thomas posset rehabere et tanquam suam capere sine contradictione aliqua si post dictum terminum vel infra remearet Nos autem istam concessionem et convencionem sive donum salvo jure nostro et justicia nostra volumus concedimus et laudamus In quorum testimonium ad petitionem predicti Thome presentes litteras eisdem fratribus milice Templi tradidimus sigilli nostri munimine roboratas Datum apud Collengias super Yonam anno Domini MCCXL octavo mense augusti