Charter Document - 02360521
| Charter Number: | 02360521 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1248 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Guido Dei gratia Autissiod episcopus in Domino salutem Notum facimus universis quod cum carissimus avunculus noster Droco de Melloto dominus Locharum et Meduanie cruce signatus vellet in Terre Sancte subsidium proficisci in nostra presentia constitutus recognovit quod cum alias videlicet anno Domini MCCXXXIX mense julio cruce signatus vellet in Terre Sancte subsidium transfretare in testamento suo dedit et concessit monachis de Pontigniaco centum solidos annui redditus sitos et percipiendos in polanis de Sancto Prisco pro anniversario suo et Helysabeth uxoris sue annis singulis in perpetuum faciendo ita quod in die anniversarii ipsorum de illis centum solidis pitanciam habebit conventus Et eandem dictam donationem coram nobis innovavit Predicta vero Helysabeth uxor ejusdem Droconis in nostra similiter presentia constituta eandem donationem probavit In cujus rei testimonium ad petitionem dictorum Droconis et Helysabeth sigillum nostrum presentibus litteris duximus apponendum Datum anno Domini MCCXLVIII die veneris ante festum Beate Marie Magdalene