Charter Document - 02360516
| Charter Number: | 02360516 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1248 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie Autissiod salutem in Domino Noveritis quod in nostra constituti presentia Petrus dictus Catus et Agnes uxor sua recognoverunt se recepisse a nobili muliere Mathildi comitissa Nivern et Autissiod calmas quasdam sitas in Cantumenilia prope nemus de Barro ab eisdem Petro et Agnete eorumque heredibus in perpetuum tenendas et possidendas videlicet quodlibet arpentum ad sex denarios monete currentis Autissiod recti census gerentis laudes et ventas eidem Mathildi et heredibus Autissiodori in festo Beati Remigii anno quolibet reddendorum tali tamen conditione addita quod dicti Petrus Agnes uxor ejus et eorum heredes dictas terras dare poterunt vendere et quocumque alio modo voluerint alienare salvis eidem comitisse et heredibus Autissiodori censu laudibus et ventis supradictis et ipsi Petrus et Agnes uxor ejus et eorum heredes dictum censum ad dictum terminum anno quolibet solvere et reddere sicut rectum censum plenius tenebuntur seque et heredes suos ac etiam omnes illos qui causam habebunt ab eis in dictis rebus possidendi eas relinquerunt obligatos ac specialiter obligaverunt Omnes autem conventiones predictas memorati Petrus et Agnes uxor ejus promiserunt se tenere et firmiter adimplere seque quantum ad hoc jurisdictioni curie Autissiodori quocumque erant aut maneant subdiderunt Actum sabbato post Pentecostem anno Domini MCCXL octavo mense junio