Charter Document - 02360513
| Charter Number: | 02360513 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1247 |
| Date type: | Internal, A.D., Feast |
| Resource Link(s): |
|
Charter:
Gilo Dei gratia Senon archiepiscopus universis presentes litteras inspecturis salutem in Domino Notum facimus quod nos interveniente assensu et voluntate tam Guidonis dicti Lucratoris de Malleio Regis qui fundator extitit domus Dei de Malleio Regis quam Gilonis ejusdem ville presbiteri volumus et concedimus quod religiose mulieres abbatissa et conventus de Nemosio Cisterciensis ordinis teneant possideant et habeant in perpetuum dictam domum Dei cum omnibus ad eandem domum pertinentibus tam mobilibus quam immobilibus habitis et habendis acquisitis eidem domui et in posterum acquirendis Erunt etiam dicte moniales a prestatione decime presbitero de Malleio Regis persolvende de nutrimentis suis et ortis infra clausuram propriam constitutis dum tamen illa clausura sit circa locum in quo dicta domus Dei ad presens sita est libere penitus et immunes tali tamen modo quod si dicta clausura ultra tria arpenta ad arpentum regis contineat tempore precedente de residuo necnon et de omnibus teneturis quas eedem moniales deinceps acquisierint infra fines parrochie de Malleio Regis de quibus decima eidem ecclesie prestari consuevit vel deinceps debeatur presbitero parrochiali ejusdem ecclesie prestare decimam tenebuntur renuntiantes quantum ad hec omnibus indulgentiis et privilegiis impetratis seu etiam impetrandis In recompensationem vero dampnorum occasione hujusmodi concessionis habitorum seu etiam habendorum dicte moniales promiserunt coram nobis se de cetero fideliter reddituras annis singulis dicto Giloni presbitero et ejus successoribus viginti solidos turon annui redditus scilicet decem solidos in crastinum Pasche et decem solidos in festo Beati Remigii Nos igitur pium propositum ac devotionem dictarum monialium attendentes ad petitionem ipsarum et aliorum bonorum virorum premissa omnia prout scripta sunt superius volumus et auctoritate nostra diocesiana confirmamus In cujus rei testimonium litteris presentibus sigillum nostrum duximus apponendum Datum apud Naalliacum anno Domini millesimo ducentesimo quadragesimo septimo in vigilia Sancti Andree apostoli