Charter Document - 02360512
| Charter Number: | 02360512 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1247 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum Dei dilecto filio [] abbati et conventui monasterii Pontiniacensis Cisterciensis ordinis Autissiod diocesis salutem et apostolicam benedictionem In sanctorum festivitatibus que a Christi fidelibus votiva celebritate coluntur dignis laudibus glorificatur Omnipotens sanctis ipsis debitus honor impenditur et animarum profectus devotione congrua procuratur Unde nos qui fidelium ipsorum curam gerimus generalem cum pre omnibus que nostre incumbunt sollicitudini ad eorumdem salutem intendere teneamur multo desiderio cupimus ut illorum memoriam quos exutos jam corpore stola glorie induit Rex celestis venerabiliter recolentes ipsorum festa et celebri agant observantia et solemnitate annua prosequantur ac ut tanto accuratius ad eorum cultum se preparent quanto plus ipsum animabus senserint profuturum cum nonnunquam insigniis spiritualibus indulgentiis videlicet et remissionibus magnificare studemus ipsas devote illum exequentibus benignitate apostolica largiendo Hinc est quod cum in ecclesia vestra corpus S Edmundi quiescat nos ipsum digna coli reverentia cupientes omnibus tam viris quam mulieribus vere penitentibus et confessis qui ad eamdem ecclesiam in die Translationis ipsius sancti in quo easdem mulieres libere ipsam ecclesiam intrare concedimus pura intentione accesserint annuatim de omnipotentis Dei misericordia et beatorum Petri et Pauli apostolorum ejus auctoritate confisi quadraginta dies de injuncta sibi penitentia misericorditer relaxamus Datum Lugduni nonis februarii pontificatus nostri anno V