Charter Document - 02360511
| Charter Number: | 02360511 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1247 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Guillermus decanus Tornodori salutem in Domino Noveritis quod Huo dictus Clarius et Dulcis uxor ejus in nostra presentia constituti recognoverunt se dedisse in puram et perpetuam elemozinam pro remedio anime sue ecclesie Beate Marie Fonteneti quandam vineam sitam apud Tornodorum juxta vineam dictorum Fontenetensium que dicitur Planta Alba Insuper elegerunt sepulturam suam in cimiterio Fonteneti si citra mare obierint In cujus rei testimonium presentes litteras sigilli nostri munimine tradidimus roboratas Datum die sabbati proxima post festum Pasche anno Domini millesimo ducentesimo quadragesimo nono mense aprili Cum hoc instrumento est et aliud pro eodem facto sic incipiens ego Milo magister domus Dei de Tornodoro notum facio omnibus presentes litteras inspecturis quod in mea presentia constituti Huo dictus Clarius burgensis de Tornodoro et Dulcis uxor ejus recognoverunt [] prout superius scripta sunt Actum anno Domini millesimo ducentesimo quadragesimo septimo []