Charter Document - 02360509
| Charter Number: | 02360509 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1246 |
| Date type: | Internal, A.D., Abbot-Prior |
| Resource Link(s): |
|
Charter:
Universis presentes litteras inspecturis frater Th dictus abbas Escharleiarum et Bernauz decanus Curtiniaci Senon diocesis salutem in Domino Notum facimus quod in presentia nostra constitutus Stephanus Bernauz de Villa Franca recognovit se mercatum fecisse cum excellentissimo domino Theobaldo Dei gratia rege Navarre illustri de fossatis duodecim pedum altitudinis seu profunditatis et triginta pedum latitudinis faciendis circa castrum ejusdem regis quod vocatur Lachiacum scilicet qualibet tesia pro triginta solidos turon de quibus ut dictum est faciendis Symon de Servante et Guillermus de Corferaut milites coram nobis erga predictum regem ad petitionem dicti Stephani usque ad summam quinquaginta librarum turon se rectos plegios obligarunt promittentes bona fide quod memorato regi vel ejus certo mandato gagia que duci vel portari poterunt tradent infra instantes Brandones set non deinceps si predictus Stephanus in opere predicto defecerit adimplendo In cujus rei testimonium presentes litteras ad petitionem dictorum Stephani et militum sigillorum nostrorum munimine fecimus roborari Actum apud Escharleias anno Domini MCCXLVI sabbato post dominicam qua cantatur Invocavit me mense februario