Charter Document - 02360508

Innocentius episcopus servus servorum Dei dilectis filiis abbati Sancti Michaelis de Tornodoro ordinis sancti Benedicti ejusque fratribus tam presentibus quam futuris regularem vitam professis in perpetuum Religiosam vitam eligentibus apostolicum convenit adesse presidium ne forte cujuslibet temeritatis incursus aut eos a proposito revocet aut rebus quod absit sacre religionis infringat ea propter dilecti in Domino filii vestris justis postulationibus clementer annuimus et monasterium Sancti Michaelis de Tornodoro Lingonensis diocesis in quo divino mancipati estis obsequio sub beati Petri et nostra protectione suscipimus et presentis scripti privilegio communimus In primis siquidem statuentes ut ordo monasticus qui secundum Deum et beati Benedicti regulam in eodem monasterio institutus esse dignoscitur perpetuus ibidem temporibus inviolabiliter observetur Preterea quascumque possessiones quecumque bona idem monasterium impresentiarum juste et canonice possidet aut in futurum concessione pontificum largitione regum vel principum oblacione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo prefatum monasterium situm est cum omnibus pertinentiis suis de Jesseias de Laigniacovilla de Anceio de Sancto Vinemerio de Poiz de Barro super Secanam prioratus cum decimis et aliis pertinentiis eorumdem de Marchessoy et de Chamon grangias cum decimis et aliis pertinentiis earumdem Sancti Michaelis Curtegradus et Cencii ecclesias cum decimis et aliis pertinentiis earumdem homines quos habetis apud castrum Tornodori cum domibus molendinis et aliis pertinentiis eorumdem homines quos apud villam de Thissiaco cum decimis domibus et aliis bonis que ibidem [] homines apud villam Cappellam de Flogniaco cum decimis et aliis bonis que ibi habetis homines quos apud Spinolium cum decimis et aliis bonis que ibi habetis cum pratis vineis terris nemoribus et domibus in bosco et plano in aquis et molendinis in viis et semitis et omnibus aliis libertatibus et immunitalibus suis Sane novalium vestrorum que propriis manibus aut sumptibus colitis de quibus aliquis hactenus non percepit sive de vestrorum animalium nutrimentis nullus a vobis decimas exigere vel extorquere presumat liceat quoque vobis clericos vel laicos liberos et absolutos a seculo fugientes ad conversationem recipere et eos absque contradictione aliqua retinere Prohibemus insuper ut nulli fratrum vestrorum post factam in monasterio professionem fas sit sine abbatis licentia nisi artioris religionis obtentu de eodem loco discedere discedentem vero absque communium litterarum vestrarum cautione nullus audeat retinere Cum autem generale interdictum terre fuerit liceat vobis clausis januis expulsis excommunicatis et interdictis non pulsatis campanis dummodo causam non dederitis interdicto suppressa voce divina officia celebrare crisma vero oleum sanctum consecrationes altarium seu basilicarum ordinaciones monachorum seu clericorum que ad sacros ordines fuerint promovendi a diocesano suscipietis episcopo siquidem catholicus fuerit et graciam et communionem sacrosancte romane sedis habuerit et ea vobis voluerit sine pravitate qualibet exhibere Prohibemus insuper ut infra fines parrochie vestre sine assensu diocesani episcopi et vestro capellam seu oratorium de novo construere audeat salvis privilegiis pontificum romanorum Ad hec novas et indebitas exactiones et aliis archiepiscopis episcopis archidiaconibus seu decanis aliisque omnibus ecclesiasticis secularisve personis a vobis omnino fieri prohibemus sepulturam quoque ipsius loci liberam esse decernimus ut eorum devotioni et extreme voluntati qui se illuc sepeliri deliberaverint nisi forte excommunicati vel interdicti fuerint aut etiam publice usuarii nullus obsistat salva tamen justicia illarum ecclesiarum a quibus mortuorum corpora assumuntur Decimas preterea et possessiones ad jus ecclesiarum vestrarum spectantes que a laicis detinentur redimendi et legitime liberandi de manibus eorum et ad ecclesias ad quas pertinebant restituendi libera sit vobis de nostra auctoritate facultas Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astucia seu violencia proponatur nisi quam fratres communi consensu vel fratrum major pars consilii sanioris secundum Deum et beati Benedicti regulam providerint eligendum paci quoque et tranquilitati vestre paterna in posterum sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus rapinam seu furtum facere ignem apponere sanguinem fundere hominem temere capere vel interficere seu violenciam audeat exercere Preterea omnes libertates et immunitates a predecessoribus nostris romanis pontificibus monasterio vobis concessos locorum libertates et exemptiones secularium exactionum a regibus et principibus vel aliis Christi fidelibus rationabiliter vobis indultis auctoritate apostolica confirmamus [] Datum per manum magistri Martini sancte romane ecclesie vicecancellarii in nonis januariis indictione IIII Incarnacionis Dominice anno MCCXLVI pontificatus vero domini Innocentii pape quarti anno tercio