Charter Document - 02360505
| Charter Number: | 02360505 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1245 - 1246 |
| Date type: | Internal, A.D. |
| Resource Link(s): |
|
Charter:
Ego Hugo archidiaconus Avalonensis et D archipresbiter ejusdem loci omnibus presentes litteras inspecturis notum facimus quod cum Berteluns filius domini Petri Fauquein de Chavanes vellet ducere in uxorem Johannam filiam defuncti Johannis de Villereto tali conditione dicti Berteluns et Johanna remanserunt in manso et in tenantiis dicti defuncti J ad dominium domini Renaudi de la Boicherace pertinentibus quamvis post obitum dicti Renaudi ad capitulum Avalon debeant devenire Quod si in ipsos B et J jure servitutis vel alio aliquo modo aliquid aliquis reclamaret aut de dominio dicti Renaudi dum viveret vel dicti capituli exiret contingeret in dicto manso cum tenamentis omnibus per sacramentum suum coram nobis corporaliter prestitum aliquid reclamare non possent nec per se vel per alium per dictum sacramentum contra pauctiones ulterius non venirent set dictus Renaudus quamdiu viveret possideret post obitum vero suum ad dictum capitulum pacifice remearet Et si aliquid in terragio dicti Renaudi vel dicti capituli adquirerent similiter dicto Renaudo vel capitulo remaneret Hoc autem factum fuit dicta Johanna extra avoeriam posita In cujus rei testimonium ad petitionem dictorum Berteluns et Johanne presentes litteras tradidimus sigillatas Auctum anno Gratie MCCXL quinto mense januario