Charter Document - 02360500
| Charter Number: | 02360500 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1244 |
| Date type: | Internal, A.D. |
| Resource Link(s): |
|
Charter:
Ego Margareta domina Tanlay notum facio universis presentes litteras inspecturis quod cum ego de laude carissimi mariti mei Roberti militis domini Tanlay vendidissem abbati et conventui Quinciaci tres sextarios ordei quos ipsi in grangia sua reddebant singulis annis patri meo et matri mee que grangia dicitur Murcange Ego quia illud in partem meam non cessit sed in partem fratris mei assignavi tres dictos sextarios ordei spontanea non coacta de laude et assensu domini Roberti mariti mei in parte mea tertiarum de Cosne Et volo ut ibidem percipiant dicti Quinciacenses in perpetuum tres sextarios ordei supradictos singulis annis infra festum Omnium Sanctorum et quia sigillum non habeo presentes litteras sigillis virorum nobilium Willelmi quondam domini Tanlay et dicti domini filii ejus carissimi mariti mei feci sigillare Anno Domini MCCXL quarto mense augusto