Charter Document - 02360499

Ego Robertus dominus de Tanlayo miles notum facio universis presentes litteras inspecturis quod constitutus in presentia dilectus frater meus Joannes de Tanlayo miles dominus de Jugis recognovit se dedisse et concessisse in perpetuum ecclesie Beate Marie Regniaci omnes tertias quas habebat et habere poterat in omnibus terris de Jugis et de dominio et justitia de Jugis quiete et pacifice ab eadem ecclesia possidendas Preterea recognovit idem Joannes coram me quod cum discordia verteretur inter ipsum ex una parte et abbatem et conventum dicte ecclesie ex altera super eo quod dicti abbas et conventus dicebant quod habere poterant et debebant homines ad manendum et habitandum in terra ipsorum que sita est inter villam de Jugis et grangiam de Fontemois que terra dicitur terra Sancti Petri et quod justitia dicte terre ad ipsos pertinebat prout territorium se extendit in longum et in latum ibidem videlicet intra cheminium per quod itur ad Verzeliacum et aliud per quod itur ad Autissiodorum idem Joannes de mera voluntate sua voluit et concessit quod dicti abbas et conventus in eodem territorio villam construerent et homines ad manendum undecumque voluerint sive de terra sua sive de alia retinere possent et quod tota justitia dicte ville et totius territorii predicti tam in nemoribus hominibus planis et rebus aliis quibuscumque sit ipsorum abbatis et conventus et quitavit ipsis abbati et conventui quidquid juris in premissis quoquo modo vel titulo habebat aut habere poterat in futurum exceptis quatuor justitiis videlicet furto raptu murtrio et duello de quibus [] dictus Joannes de assensu et voluntate ipsorum abbatis et conventus sibi et heredibus suis retinuit [] Ego Robertus ad instantiam dicti Johannis tanquam dominus feodi [] volens et concedens quod dicti abbas et conventus predicta [] in perpetuum possideant dicti autem abbas et conventus in dictis villa et territoriis homines dicti abbatis [] Datum anno Domini MCC quadragesimo quarto [] mense maio