Charter Document - 02360491

Omnibus presentes litteras inspecturis G abbas totusque conventus Sancti Germani Autissiod et Willelmus de Melloto dominus Sancti Prisci salutem in Domino Noverint universi quod cum esset contentio inter nos ex una parte et venerabiles viros decanum et capitulum Autissiodor pro hominibus suis de parrochiis Pulvereni et Lindriaci ex altera super hoc quod iidem decanus et capitulum dicebant quod homines eorum predicti habebant usuagium in nemoribus nostris de Brueria ad pasturam animalium dictorum hominum sive de novo essent cesa dicta nemora sive non quod usuagium dictos homines in dictis nemoribus habere negabamus tandem bonis viris mediantibus inter nos ex una parte et dictos decanum et capitulum ex altera compositum fuit in hunc modum quod de toto predicto nemore fient quinque partes equales et de illis quinque partibus poterimus dare vendere et nostram facere voluntatem quandocumque voluerimus et quotienscumque voluerimus ita tamen quod due partes de dictis quinque partibus semper salve remaneant ad pasturam animalium hominum predictorum In nemore vero de novo ceso non poterunt dicti homines animalia sua immitere nec aliquod usuagium reclamare donec tercium folium post cesionem dicti nemoris sit transactum et quandocumque tertium folium erit transactum poterunt dicti homines in dicto nemore animalia sua immitere et per totum nemus pasturare Dictam vero compositionem promittimus nos imperpetuum servaturos et ad hoc nos per presentes litteras obligamus In cujus rei testimonium nos abbas et Willelmus sigillis nostris et nos conventus sigillum nostrum penes nos ad presens non habentes sigillo curie decani Autissiod presentes litteras fecimus sigillari Actum anno Domini MCC quadragesimo tertio mense septembris