Charter Document - 02360486

Omnibus presentes litteras inspecturis officialis curie Senon salutem in Domino Noverint universi quod cum inter magistrum Robertum de Edua clericum filium defuncti Roberti de Edua ex una parte et Jacobam Petrovillain relictam Andree de Veteri Castro Robertum de Colatoriis Johannam uxorem ejus Mariam relictam Peregrini Latinarii militis et Elisabeth relictam Girardi de Davesio sorores ex altera contentio verteretur super eo quod idem magister dicebat quod defuncta Hersendis quondam mater ipsius magistri in bona valitudine sua dederat eidem magistro medietatem domus lapidee cum appendiciis ejusdem domus et pressorio juxta eandem domum sito inter ecclesiam Sancti Petri Rotondi et domum ligneam relicte Girardi de Davesio et quicquid habebat in molendino sito prope portam Sancti Desiderii Senon et duo arpenta prati sita in prataria de Pontibus super Yonam prope petramfrictam et quicquid amplius prati ibidem habebat et medietatem granchie site juxta domum Renaudi Escofe presbiteri cum porprisia ejusdem granchie et medietatem cujusdam teneture site retro domum Roberti de Colatoriis cum appendiciis ejusdem teneture et super eo quod idem magister dicebat racione hereditatis omnes alias teneturas quas dicta mater sua tenebat ad ipsum magistrum pertinere tandem amicabilis composicio intercessit inter eos in hunc modum quod prefati Jacobus Petronilla Robertus et Johanna Maria et Elisabeth totam dictam domum lapideam cum appendiciis ejusdem domus et pressorium et quicquid dicta Hersandis habebat in dicto molendino et duo arpenta prati et quicquid amplius prati eadem Hersandis ibidem habebat et totam dictam teneturam sitam retro domum Roberti de Colatoriis cum appendiciis et pertinentiis ad dictam teneturam prefato magistro Roberto in perpetuum quitaverunt et sic idem magister Robertus totum residuum omnium aliarum teneturarum et omnium mobilium moventium ex parte matris ipsorum prefatis Jacobo Petronille Roberto Johanne Marie Elisabeth quitavit in perpetuum coram nobis exceptis quatuor doliis cum vino que sunt in parvo cellario granchie que mater sua contulerat eidem magistro sibi quitatis pro qua quitatione facta a predicto magistro sicut predictum est memorati Jacobus Petronilla Robertus Johanna Maria et Elisabeth promiserunt se infra instans Pascha per fidem suam eidem magistro viginti libras paris reddituros Et preterea per dictam compositionem prefati Jacobus Petronilla Robertus Johanna Maria et Elisabeth omnia debita in quibus dicta Hersandis tenebatur et omnia legata ipsius Hersandis persolvere tenebuntur ita quod dictus magister a solutione omnium rerum que ratione debiti dicte Hersandis vel ratione legati ipsius Hersandis vel alia ratione occasione dicte Hersandis exigi possint prefatus magister quitus penitus remanebit et ipsum conservabunt indempnem quantum ad hec Fiduciaverunt autem in manu nostra prefati magister Robertus Jacobus Petronilla Robertus Johanna Maria et Elisabeth quod contra compositiones et quitationes ac conventiones predictas per se vel per alios non venient in futurum salva tamen eis in omnibus et per omnia excasura legitima si quam ab altero eorum in posterum contigerit evenire Fiduciaverunt autem dicte mulieres quod hec omnia faciebant spontanee non coacte Hec autem omnia facta sunt salvis rebus dotalibus quas tenet Lora uxor Petri de Ramerruco ex parte defuncti Garini de Edua de quibus non est in predicta compositione facta mentio nec aliqua quitatio Et ordinatum fuit inter partes quod quando dicta Lora decedet de portione dotis moventis ex parte dicte Hersandis fient quinque partes de quibus quinque partibus Petronilla et Johanna quelibet ipsarum habebit suam quintam partem et in aliis partibus idem magister Robertus suam debitam percipiet portionem et quantum ad hoc quocunque eant vel maneant se supposuerunt jurisdictioni curie Senon Actum anno Domini MCC quadragesimo secundo mense marcio