Charter Document - 02360482
| Charter Number: | 02360482 |
|---|---|
| Cartulary Title: | Cartulaire général de l'Yonne |
| Charter Language: | French |
| Charter Origin: | Lay |
| Charter Type(s): | Acknowledgment |
| Date: | 1242 - 1243 |
| Date type: | Internal, A.D. |
| Resource Link(s): |
|
Charter:
Je Guillaumes de Mellot sires de Saint Briz faiz savoir à touz ces qui verront ces lettres que j'ai fait feauté et homage lige sauve la feauté et l'oumage le conte de Nevers à noble home Thiébaut par la grâce de Dieu roi de Navarre de Champaigne et de Brie conte palazin por sexante livrées de rante que il m'a donées à moi et à mes oirs à panre en la foire de Barseur Aube à Bar an tel manière que li uns de mes fiuz qui aura ceste rante li fera après ma mort houmage lige et feauté à lui ou à ses oirs contre touz homes Auquel tesmoignance j'ai fait seeller ces présantes lestres de mon seel et ce fu fait an l'an de l'Incarnacion Nostre Seigneur mil et deus cenz et quarante et deus au mois de janvier