Charter Document - 02360480
| Charter Number: | 02360480 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1242 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Guillelmus officialis curie archidiaconi Senon in Domino salutem Notum facimus quod coram nobis constitutus Gaufridus de Noolum miles recognovit se dedisse magistro et fratribus de Popelino Senon quandam peciam terre site in loco quod dicitur La Breteniere juxta terram Constancii de Granchiis ex una parte et juxta rivum de Mauvete ex altera liberam ab omni onere costuma servitute et servicio preterquam de recta decima pro qua donacione facta dicti magister et fratres tenentur imperpetuum ministrare oleum ad duas lampadas ardentes quarum una ardebit in dormitorio fratrum de Popelino et alia in dormitorio sororum ejusdem loci Tenentur etiam dicti magister et fratres singulis annis celebrare in ecclesia sua anniversarium patris et matris ejusdem militis defunctorum necnon etiam anniversarium ejusdem militis quando decesserit et quandiu vixerit tenentur ipsi magister et fratres celebrare singulis annis unam missam de Spiritu Sancto pro ipso milite Dicti vero magister et fratres coram mandato nostro ad id audiendum loco nostri specialiter destinato recognoverunt se dedisse eidem militi imperpetuum in recompensationem illius pecie terre date unum pratum quod se habere dicebant prope Noolum juxta noam archidiaconi Meleduni ex una parte et ex alia parte juxta pratum dou Raiz liberam similiter ab omni onere servitute et servicio Promittentes bona fide quod contra donaciones et convenciones istas per se vel per alios non venient in futurum Actum anno Domini MCC quadragesimo secundo mense novembri