Charter Document - 02360475

Ego Thomas de Tornodoro clericus compos mentis mee volo providere saluti anime mee testamentum meum seu ultimam voluntatem meam disposui in hunc modum Primo lego curato Beate Marie Tornodori centum solidos Item cuilibet vicario videlicet Petro Tessin Ade Ogero Petro Roale et Guillelmo presbiteris cuilibet decem solidos Item fabrice ecclesie Beate Marie Tornodori quadraginta solidos et capitulo Tornodori viginti solidos pro obsequio die obitus mei faciendo Item fabrice dicte ecclesie Sancti Petri Tornodori viginti solidos et curato Sancti Petri decem solidos Item cuilibet vicario ejus duos solidos et hospitali Beate Marie Tornodori quinquaginta duos solidos scilicet qualibet hebdomada usque ad annum duodecim denarios pro pitancia pauperum Item pauperibus Sancti Spiritus Tornodori decem solidos pro pitancia Item presbiteris fratribus domus Leprosorum Tornodori cuilibet decem solidos Item conventi Sancti Michaelis viginti solidos in pitanciam Item conventui Melugdini viginti solidos in pitantiam et conventui Quinciaci quadraginta solidos in pitanciam Item operibus Sancti Aniani et Sancti Nicolai Tornodori cuilibet decem solidos et operibus Reclusi tres solidos Item fabrice ecclesie de Sarrigny et de Tissy decem libras ad emendas possessiones vel redditus ad opus fabrice ecclesie de Sarrigny et de Tissy per medium et fabrice ecclesie de Solengi viginti solidos et Theobaldo clerico diacono viginti solidos et ponti de Lisignes quinque solidos et fabrice ecclesie de Lisignes quinque solidos et ecclesie de Milisy pro fabrica decem solidos Item de Sancto Vinimerio de Tanlayo de Cumisseyo de Molomes de Sancto Martino de Espinolio de Denemonio de Roffeyo de Vesignes et de Junayo fabricis ecclesiarum cuilibet quinque solidos et pro sotularibus emendis sexaginta solidos et pro burellis emendis duodecim libras Item Marie Suode decem libras et volo et etiam precipio quod vinee quas quondam a liberis defuncti Milonis Strabonis quod ipse vinee ad ipsos liberos nomine legati deveniant fructibus ipsarum vinearum a me vel heredibus meis per tres annos primo collectis et cuilibet presbitero meo obsequio existenti duos solidos nisi legatum a me fuerit sibi specialiter factum et Robino dicto Beline sexaginta solidos et pauperibus scolaribus Tornodori decem solidos in pane et Petro de Vesannes viginti solidos et unum pedem terre horti ultra salices et filie relicte Joannis Quitaut viginti solidos pro ipsa maritanda et unam arcam et filie Ferrici Labaicor viginti solidos et aliam arcam et filio Monte viginti solidos et Petro Remuse quadraginta solidos et Stephano filio Gobin quadraginta solidos et Michaeli Amentru viginti solidos et Clementio clerico centum solidos Sagino clerico filio Christophori textoris decem solidos Item capitulo Tornodori centum solidos ad emendum quinque solidos annui redditus pro anniversario meo faciendo Item ecclesie Beate Marie Tornodori centum solidos ad emandos redditus pro anniversario meo faciendo Item capitulo Tornodori centum solidos ad emendum quinque solidos annui redditus pro anniversario dicte Ruelle faciendo et Thomassino carpentario tres solidos et pontibus Tornodori quinque solidos et quadraginta leprosis proximis Tornodori quadraginta solidos Filiabus Dei quinque solidos et Guidoni clerico consanguineo meo quadraginta solidos et Thome de Colano quadraginta solidos et Gauffrido de Castro et sociis ejus in decima centum solidos et dominis meis Fonteneti ducentas libratas teneture mee videlicet grangiam meam de Fonteniles cum virgulto sito retro grangiam vineam meam de Ponchia vineam meam de Cornoaille et vineam meam majorum de Chambozon et has quatuor petias edificii assigno pro pecunia superius nominata et dominis meis lego domum meam de Fonteniles sitam super fontem cum grangia ibidem sita ex altera parte fontis Item eisdem lego vineam meam de Chambozon que vocatur vinea Militis Ad augmentationem vero misse quam defuncta Maria dicta Ruelle matertera mea fondavit in domo Leprosorum Tornodori lego vineam meam sitam subtus domum eandem et vineam sitam au Cray tali conditione quod usque ad tempus ad modiationis facte erga Gauffridum Cambitorem presbiterum ibi Domino servientes dictas vineas excolant vel excoli faciant et de fructibus gaudeant earumdem elapso vero tempore ad modiationis supradicte vine ad augmentum et incrementum supradicte fundationis libere revertentur Si quis autem contra hoc aliquid attemptare presumpserit totum hoc donum volo carere juribus supradictis vineis ad matrem meam vel ad amicos meos si proximi fuerint reversuris Volo autem quod torcular meum quod construxi in ipsorum domibus videlicet magistri Christophori quod vendatur et pretium ipsius in augmentationem fundationis deveniat supradicte Lego autem Emeniardi dicte Capet duas cameras cum jardino quas construxi in arca quam a Martino dicto Lou Borne et ejus uxore pro quadraginta solidis comparavi Lego Anselme filie Bertrandi vineam meam des Plantes apud Sarrigny cum vino pro ipsa maritando Lego Theobaldo filio Dominici quandam vineam sitam in valle que dicitur Vallis dominici et lego Gauffrido quondam preposito de Sarrigny sex libras et tres quas ei debeo Item cum quandam grangiam in platea Milonis Strabonis de consensu ipsius et liberorum suorum edificaverim que platea Pratellum vocatur sub pactionibus contentis in litteris decani Tornodori volo et precipio quod omnibus restitutis super hoc missionibus et testamentis dicte grangie mihi Thome vel mandato meo quod liberalitas quam feci dictis liberis ipsius liberalitas observetur Item volo et precipio quod si aliqui inventi fuerint a quibus aliquid minus juste habuerim quod ablata eidem restituantur si probaverint et quod leviter testibus credatur si sit fides eis adhibenda Debitis vero meis et legato meo persolutis totum residuum mobilium meorum concessi dedi et quittavi matri mee et de eo ipsam investivi Propterea vero mihi promisit presente viro religioso abbate Rogerio et bonis viris quod si res mee non sufficerent ad legatum meum et debita mea persolvendo quod ipsa de suo proprio supplebit defectum Item lego Joanni clerico decani viginti solidos item Petro dicto Pontio clerico quadraginta solidos Ego vero dictus Thomas omnia supradicta volo et concedo et precipio modis omnibus firmiter observari et adimpleri Ut vero premissa deducantur ad effectum executores meos constituo venerabilem virum Hugonem decanum Tornodori et Milonem curatum Beate Marie et matrem meam in quorum manibus pono et assigno omnia bona mea usque ad satisfactionem et summam premissorum et ut ista stabilia sint et firma sigilla virorum religiosorum domini abbatis Fonteneti et domini abbatis Rogerii cum sigillis dictorum Hugonis decani et Milonis curati executorum meorum presenti scripto rogavi apponi Actum anno Domini millesimo ducentesimo quadragesimo primo mense augusto