Charter Document - 02360473
| Charter Number: | 02360473 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 1241 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis frater B dictus abbas S Petri Autissiod salutem in Domino Noverint universi quod bone memorie Galcherus dominus de Merleniaco testamentum suum disposuit in hunc modum Ecclesie Pontiniaci in qua sibi elegit sepulturam legavit quinquaginta solidos pruvin annui redditus percipiendos in parte sua molendinorum de Mellegniaco ad faciendam pictanciam conventui in die obitus sui ecclesie Quinciaci pro conventu pictanciando in die anniversarii sui singulis annis quadringinta solidos percipiendos super partem suam prati de Piro juxta Ponchiacum item legavit eidem ecclesie pro anniversario uxoris sue defuncte quinquaginta solidos Divion percipiendos in prato suo de Massengi legavit etiam Agneti filie sue omnes tercias et decimas et terras arabiles quas possidet apud Montiniacum juxta Pontiniacum et excasuram Tierrici Rubei et uxoris sue si quid ratione dotis in dicta excasura ei competit mobilia tamen sibi retinuit ita sane quod si dicta Agnes in domo Insularum monialis fuerit vel in alio loco in quo monialis permanserit omnia supradicta ei pacifice permanebunt si vero monialis non fuerit partem suam cum aliis liberis jure hereditario possi debit Item legavit ecclesie canonicorum B Petri Autissiod viginti solidos annui redditus percipiendos in terciis quas ipse emit a Robino et a domina Regina et in aliis que fuerunt de dicta emptione et in sex bichetis frumenti de prepositura de Bena pro anniversario suo et uxoris sue defuncte legavit et presbytero de Bena decem solidos pro se et pro uxore sua defuncta percipiendos annuatim in vinea sua de Pasi ita quod qui vineam dictam tenuerit dictos decem solidos reddet dicto presbytero quam vineam Milo de Montiniaco ad vitam suam tenebit post obitum suum ad heredes dicti Galcheri reversuram legavit et presbytero de Melleniaco tres bichetos frumenti in grangia sua de Melleniaco singulis annis percipiendos dictus autem presbyter de Melleniaco et dictus presbyter de Bena tenentur in anniversario ipsius quilibet alios duos presbyteros provocare qui eadem die pro ejus anima missam celebrabunt et singulis diebus dominicis tenentur populum commonere ut oret pro eo Item legavit ecclesie B Martini de Chableiis viginti soldos Pruvin pro se et pro uxore sua defuncta in anniversariis utriusque decem solidi distribuentur quos viginti solidos assignavit super vineam de Piro vel si maluerint canonicl dicte ecclesie super parte sua molendini de Asie Item ecclesie B Marie de Castellione triginta solidos Divion pro se et uxore sua defuncta percipiendos in censivis suis de Massengi Item Petro de Sancto Florentino armigero suo et heredibus ejus duo jugera lamme sita versus Capellam que fuerunt Piscatoris Item Michaeli servienti suo terram que fuit Johannis Berengies sitam versus Bordam sine blado istius anni Si vero dictus Michael heredes de corpore suo non habuerit dicta terra post decessum dicti Michaelis ad heredes dicti Galcheri revertetur In cujus rei testimonium ad petitionem domine Narbone matris dicti Galcheri et uxoris sue et fratrum suorum videlicet domini Florencii et Guidonis armigeri presentibus litteris sigillum nostrum duximus apponendum Sciendum autem quod dictus dominus Galcherus constituit executores hujus testamenti sui venerabilem abbatem Pontiniaci et dictos fratres suos dominum Florencium et Guidonem armigerum Actum anno Domini MCCXL primo