Charter Document - 02360469
| Charter Number: | 02360469 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1240 |
| Date type: | Internal, A.D., Calendar |
| Resource Link(s): |
|
Charter:
Fratres Jacobus miseratione divina Fenestrinus episcopus apostolice sedis legatus licet indignus universis Christi fidelibus per Nivernensem Autisiodorensem Eduensem et Lingonensem dioceses constitutis salutem in Domino Quoniam ut ait Apostolus omnes stabimus ante tribunal Christi recepturi prout in corpore gessimus sive bonum fecerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente Domino cum multiplicato fructu recolligere valeamus in celis firmam spem fiduciamque tenentes quoniam qui parce seminat parce et metet et qui seminat in benedictionibus de benedictionibus et metet vitam eternam Cum igitur domus Fratrum Minorum Virziliacensium Eduensis diocesis edificari ceperint nimis opere sumptuoso nec ipsi habeant nisi a vobis subveniatur unde dictum opus valeat consummari universitatem vestram monendam duximus et hortandum vobis in remissione peccaminum injungentes quatinus eis ad hoc cum ad vos venerint pias elemosinas et grata caritatis subsidia erogetis ut per subventionem vestram hujusmodi pium opus valeat consummari et vos per hec et alia bona que Domino inspirante feceritis ad eterne possetis felicitatis gaudia pervenire nos autem de omnipotentis Dei misericordia et beatorum Petri et Pauli apostolorum ejus auctoritate confisi omnibus vere penitentibus et confessis qui ad ipsius operis consum nationem manum subvencionis porrexerint triginta dies de injunctis sibi penitentiis misericorditer relaxamus Datum apud monasterium Sancti Johannis kalendas septembris anno Domini millesimo ducentesimo quadragesimo