Charter Document - 02360463
| Charter Number: | 02360463 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1239 - 1240 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Odo Senonensis curie officialis in Domino salutem Notum facimus quod in nostra presencia constituti Baudoinus armiger filius Johannis dicti Bramant de Pruvino et Sedilia uxor ejus recognoverunt se vendidisse abbati et conventui S Germani Autissiod pro trecentis et viginti libris pruvinensibus suis quitis omnes plantas et vineas suas de Hyrenciaco et de Riveta et territorii de Vincellis et medietatem portus de Riveta cum appendiciis et pressorio et cupis et omnibus aliis ad dictum portum et pressorium pertinentibus et domum suam de Hyrenciaco et etiam quicquid juris habebant vel habere poterant in territoriis finagiis justiciis et parochiis de Hyrenciaco et de Vincellis recognoscentes quod predicte res sunt et erant de feodo ecclesie Sancti Germani Autissiod et quod ipsi res predictas in homagium et feodum ab abbate predicto tenebant et tenere debebant fide prestita corporali Promittentes quod super predictis rebus venditis prefate ecclesie portabunt rectam garentiam ad usus et consuetudines terre et quod easdem res liberas tradent et liberabunt ecclesie supradicte et quod contra dictam vendicionem per se vel per alios non venient in futurum nec super his dictam ecclesiam imposterum molestabunt Predicta vero Sedilia quitavit fide media prefate ecclesie imperpetuum quicquid juris habebat vel habere poterat aut debebat ratione dotis vel donacionis propter nuptias vel aliquo alio modo in omnibus rebus predictis recognoscens quod dictam vendicionem faciebat concedebat et laudabat sponte provide [] Actum anno Domini MCCXXX nono mense januario