Charter Document - 02360462
| Charter Number: | 02360462 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1239 - 1240 |
| Date type: | Internal, A.D. |
| Resource Link(s): |
|
Charter:
Omnibus [] magister Odo curie Senon officialis in Domino salutem Noverint universi quod Hylarius Felisius Willelmus ac Regnaudus canonici altaris Sancti Petri in ecclesia Sancti Stephani Senon Johannes de Roseto carnifex Garnerius de Trannis Johannes de Trannis nepos suus et Robertus Moutons in nostra presentia constituti voluerunt et concesserunt unanimi et concordi assensu ut tantum aque molendini eorum siti extra claustrum Senon prope portam que appellatur porta defuncti Gylonis de cetero decurrat et meatum habeat libere et quiete per conductum subterraneum venerabilium et religiosorum Fratrum ordinis Sancti Jacobi Senon ad aisantiam eorumdem fratrum quantum comprehendere poterit idem conductus tali conditione adjecta quod iidem fratres sicut ipsi promiserunt in recompensatione illius aque tantum aque de Vanna que fluet ad dictum molendinum et per ipsum molendinum facient haberi quantum decurret in supradictum conductum Verum si a domino rege vel ab alio quocumque illius recompensationis aquam de Vanna vel partem aque contingeret impediri quocienscumque significaretur istud eisdem fratribus a dictis comparticipibus molendini vel ab aliquo eorum dictus cessaret conductus donec de illo impedimento constaret Et tunc quando de illo constaret idem conductus cessare ex toto donec ipsis comparticibus restitueretur aqua illa que impediretur vel ad plenum eis satisfieret ad estimationem bonorum vivorum super dampnis et deperditis que ipsi haberent occasione impedimenti supradicti Quod ut ratum sit et stabile ad petitionem utriusque partis presentem cartulam sigilli nostri munimine fecimus roborari Actum anno Domini MCC tricesimo nono mense januario