Charter Document - 02360460
| Charter Number: | 02360460 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 1239 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Robertus dominus Tanlaii rei geste noticiam cum salute Noveritis quod Pontius de Joux armiger in mea presentia constitutus dedit et concessit in perpetuum Deo et ecclesie Beate Marie Molismensi quicquid habebat et habere poterat quoquo modo in decima de Artunnayo si quid tamen juris habebat in eadem abrenuncians in hoc facto omni actioni exceptioni et deceptioni quibuscumque omnique juris auxilio canonici et civilis juramento ab eodem corporaliter prestito coram me quod contra premissa vel aliqua premissorum per se vel per alium modo aliquo non veniet in futurum In cujus rei testimonium et noticiam pleniorem ad petitionem et instanciam dicti Pontii sigillum meum duxi litteris presentibus apponendum Actum in crastino beatorum apostolorum Petri et Pauli anno Gracie millesimo ducentesimo trigesimo nono