Charter Document - 02360458
| Charter Number: | 02360458 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1239 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Odo Senon curie officialis in Domino salutem Notum facimus quod Theo de Lingonis filius Berneri Lingonensis civis Senon et Adelina uxor ejusdem Theonis coram nobis recognoverunt se olim dedisse et concessisse in puram et perpetuam elemosinam altari Beati Petri in maiori ecclesia Senon duos sextarios bladi unum videlicet frumenti et unum ordei annui redditus percipiendos in quarta parte quam se dicebant habere in molendino sito Senonis ante portam claustri Senon que dicitur porta Gilonis Fiduciantes quod in re illa data et concessa nichil de cetero per se vel per alios reclamabunt nec questionem movebunt et se laturos perpetuam erga omnes garentiam promiserunt Super quo Petrus Bicheboz Petrus Davodez et Jacobus de Foro filius defuncti Gaufridi de Foro coram nobis erga canonicos ejusdem altaris se plegios quisque in solidum obligarunt Prefata vero Adelina renuncians omni juri quod ibi habebat ratione dotis hereditatis conquestus aut qualibet alia ratione confessa fuit quod hoc fecerat sponte provide sine violencia sine metu et absque circumvencione quacumque Dembertus vero de Capella super Orosam miles in cujus censiva dictum consistit molendinum sicut ipse dicebat dicte rei elemosinam ut predictum est factam altari predicto laudavit in perpetuum et concessit ab eodem altari quiete et pacifice perpetuo possidendam dicens et confitens coram nobis quod ipsos canonicos nec potest nec debet ipse vel heres ejus compellere ad ponendum extra manum suam rem illam datam in elemosinam et concessam promittens quod ad id minime compellet eosdem Actum anno Domini MCC tricesimo nono mense julio