Charter Document - 02360449
| Charter Number: | 02360449 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1238 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Henricus decanus Tornodori salutem in Domino Noveritis quod in nostra presencia constituti Nerbona domina Merleigniaci et filii ejus Gaucherus et Florencius et Guido laudaverunt voluerunt et concesserunt venditionem decime de Venussia que movebat de feodo suo Et dictum feodum quitaverunt in perpetuum ecclesie Pontiniacensi quam inquam venditionem fecerunt jam dicte ecclesie Guido et Iterus milites de Venussia Voluerunt etiam dicta Nerbona domina Melleigniaci et predicti filii ejus Gaucherus et Florencius et Guido quod si forte contra predictam quitationem processu temporis venirent quod absit quod nos in ipsos et in terras ipsorum excommunicationis et interdicti sentencias ubicumque se diverterint proferremus et successor noster qui pro tempore fuerit si necesse esset ipsos compelleret ad premissa In cujus rei testimonium ad petitionem dictorum Nerbone domine Melleigniaci et filiorum ejus Gaucheri et Florencii et Guidonis presentibus litteris sigillum nostrum apposuimus Actum anno Domini MCC tricesimo octavo mense octobri