Charter Document - 02360447
| Charter Number: | 02360447 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1238 |
| Date type: | Internal, A.D. |
| Resource Link(s): |
|
Charter:
Ego Ansericus dominus Montis Regalis notum facio universis presentes litteras inspecturis quod cum multe discordie et querele orte fuerunt et habite inter me ex una parte et dominam matrem meam Agnetam dominam de Insula ex altera post pacem illam et concordiam que coram domino rege Navarre alias facta fuit et sigillata tandem pro bono pacis et de prudentium virorum consilio de discordiis et querelis predictis post eamdem pacem inter me et ipsam habitis compromisi in nobiles viros dominum Guillelmum de Tylia et dominum Bigotum de Vanlaio in hunc modum scilicet quod ipsi debent inquirere bona fide de predictis discordiis et querelis et inquestam super his factam referre domino regi Navarre predicto Et sciendum quod si predicti dominus Guillelmus de Tylia et dominus Bigotus de Vanlaio discordes fuerint in eadem inquisitione facienda dominus rex Navarre potest cum ipsis alium apponere ad faciendum inquestam supradictam Pro qua siquidem inquesta tenenda et firmiter observanda dedi plegios in manu regis Navarre de quadringentis marcis argenti scilicet dominum Burgundie de ducentis marcis Gilonem Magnum de Frollois de centum marchis Ertaudum de Chastelau de centum marchis Insuper posui in abandon eidem domino regi omnes res meas ubicumque poterunt inveniri Quod prefatam inquestam et quidquid in ipsa continebitur bona fide tenebo et firmiter adimplebo Actum anno Domini millesimo ducentesimo XXXVIII mense augusto