Charter Document - 02360446
| Charter Number: | 02360446 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1238 |
| Date type: | Internal, A.D. |
| Resource Link(s): |
|
Charter:
Ego Hugo dominus de Valeriaco notum facio omnibus tam presentibus quam futuris quod cum karissimus dominus meus Ludovicus rex Francie illustris castrum Vallis Guidonis in manu sua teneret et in eo garnisionem suam haberet ipse in manu domini Johannis de Tociaco ad peticionem et preces ipsius Johannis posuit dictum castrum et dictus Johannes juravit et promisit domino regi quod illud fideliter custodiet tali modo quod per castrum illud domino regi vel heredibus suis vel regno suo non veniet ullum dampnum et quod dictum castrum reddet domino regi et ejus heredibus aut ipsorum certo mandato cum litteris eorumdem patentibus ad magnam vim et ad parvam et etiam quandocumque a domino rege vel ab ejus heredibus aut ab eorum certo mandato fuerit requisitus illud eis tradet et hoc sacramentum faciet fieri domino regi et ejus heredibus ab eo quicumque pro tempore erit castellanus dicti castri et ab omnibus illis qui in garnisionem dicti castri intrabunt [] Et ad hoc sicut premissum est faciendum et adimplendum dictus Johannes posuit in contraplegium erga dominum regem Sanctum Ferreolum cum pertinentiis in feodis et domaniis et omnibus aliis que tenet de ipso Et ego omnium istarum conventionum sicut sunt expresse me plegium constitui erga dominum regem et ejus heredibus super ducentis marchis argenti quas eidem vel heredibus suis reddere tenerer si prefatus Johannes predictas conventiones non observaret Actum anno Domini MCCXXXVII mense augusti