Charter Document - 02360440
| Charter Number: | 02360440 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1237 |
| Date type: | Internal, A.D., Feast |
| Resource Link(s): |
|
Charter:
Ego Jobertus dominus Anceyi Franci notum facio universis presentem paginam inspecturis me dedisse in elecmosinam et in perpetuum concessisse Deo et ecclesie Beati Petri Melugdensis quidquid habebam in decimis de Chamelard tam in minutis quam in grossis scilicet sextam partem ab eadem ecclesia in perpetuum pacifice possidendam salvo jure capelle de Chamelart quod habet in decima supradicta scilicet sex septuaria bladi duo fromenti et quatuor ordei Dedi etiam ecclesie Melugdensis medietatem tractus et medietatem herbertagii earumdem decimarum et hoc laudaverunt liberi mei Johannes et Stephanus In hujus rei testimonium et munimen feci supradicte ecclesie Melugdensis presentes litteras sigilli mei roboratas Datum apud Chamelart anno Domini MCCXXXVII mense julio in octavas Beati Johannis Baptiste