Charter Document - 02360438
| Charter Number: | 02360438 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1237 |
| Date type: | Internal, A.D., Feast, Lunar |
| Resource Link(s): |
|
Charter:
Omnibus presentes litteras inspecturis magister Odo officialis Senon salutem in Domino Noverint universi quod in nostra presentia constituta Maria dicta Crassa neptis defuncte Helissandis quondam uxoris defuncti Theobaldi Jubin maiori domui Dei Senon unum chasium domus situm in veteri foro Senon inter domum Renaudi Burgondi et cameras Stephani Esmere generi dicte Marie in censiva domini regis ad unum denarium censualem in perpetuam elemosinam contulit et concessit de ipsa domo Dei in perpetuam possidendam pro remedio anime sue et animarum patris sui et matris sue fiducians quod contra donacionem istam per se vel per alium non veniet in futurum Fiduciavit et quod de eodem chasio domus nullam aliam quam dicte domui Dei fecit concessionem nec faciet quandiu vivet sine assensu et voluntate fratrum dicte domus Dei Datum anno Domini MCC tricesimo septimo die lune post quindenam Pasche