Charter Document - 02360435
| Charter Number: | 02360435 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1236 |
| Date type: | Internal, A.D., Feast |
| Resource Link(s): |
|
Charter:
Officialis curie Autissiodor omnibus presentes litteras inspecturis in Domino salutem Noveritis quod in nostra presentia constituti Elisabet soror Landrici de Floriaco militis et Johannes dictus Aubeniz maritus ejus armiger vendiderunt vener viris thesaurario et sacriste Autissiod ecclesie nomine ejusdem ecclesie pro quadragintaduabus libris et decem solidis turonensibus quicquid habebant apud Villammaris in terciis dicte ville scilicet medietatem omnium terciarum quas ipsi et venerabiles viri decanus et capitulum Autissiodor apud Villammaris communiter possidebant excepto quod decanus et capitulum in dictis terciis habent tractum ab eisdem videlicet thesaurario et sacrista Autissiodor et successoribus eorum in perpetuum possidendam fide in manu nostra a dictis Johanne et Elysabet uxore ejus de cujus capite dicte tercie movebant prestita corporali quod contra dictam vendicionem per se vel per alium de cetero non venirent sed dictam medietatem terciarum thesaurario et sacriste antedictis ad usus et consuetudines Autissiodori bona fide garantirent contra omnes qui in dictis terciis jus aliquid reclamerent Hanc autem vendicionem Landricus de Floriaco miles a quo dicti Johannes et uxor ejus dictas tercias in feodum tenebant et Johannes de Chevannis miles a quo dictus Landricus easdem tercias in feodum tenebat qui etiam Johannes tercias ipsas se a capitulo Autissiodor in feodum tenere coram nobis confessus est laudaverunt pariter et concesserunt De dicta autem garantia ferenda sicud superius est expressum prenominati Landricus de Floriaco et Johannes de Chevannis milites et Stephanude Sarmesia miles pro dictis Johanne et E uxore ejus erga thesaurarium et sacristam antedictos constituerunt se plegios coram nobis quilibet insolidum et pro toto et tam ipsi fide jussores quam supradicti Johannes armiger et E uxor ejus quantum ad premissa omnia supposuerunt se jurisdictioni curie Autissiod volentes et concedentes quod nos ipsos ubicumque essent mansionarii excommunicare possemus si contra premissa vel aliquid de premissis aliquatenus venire attemptarent Recognoverunt etiam coram nobis dicti Johannes et uxor ejus sibi fuisse plenarie satisfactum a thesaurario et sacrista de quadraginta duabus libris et decem solidis turon in pecunia numerata In cujus rei testimonium ad peticionem partium presentes litteras sigilli nostri munimine fecimus roborari Actum in crastino Nativitatis Domini anno MCC tricesimo sexto