Charter Document - 02360433
| Charter Number: | 02360433 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Establishment |
| Date: | 1236 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis frater G humilis abbas et conventus Viziliacensis salutem in Domino et orationes In libro Machabeorum legimus quam sanctum sit quam salubre pro defunctis exorare ut a peccatis solvantur Unde nos attendentes devotionem quam inclite recordationis Ludovicus rex Francorum habuit erga universam ecclesiam utpote qui pro fide catholica assumpto crucis caractere contra inimicos fidei christiane rebus est humanis exceptus concessimus ei quod pro salute anime sue perpetuum anniversarium suum sollemniter faciemus sicut pro bone memorie Gerardo comite fundatore nostro facere consuevimus annuatim quod hoc idem pro domina Blancha uxore ejusdem matre domini regis Ludovici faciemus quando eam de medio transire contigerit Domino permittente Actum in capitulo nostro et sigillatum die veneris quindene beati Johannis Baptiste anno Domini MCCXXX sexto