Charter Document - 02360405
| Charter Number: | 02360405 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
|
Charter:
Nos Guido comes et Mathildis comitissa Nivernensis et Forensis universis presentes litteras inspecturis salutem in Domino Vestra noscat universitas quod cum felicis recordationis Herveus quondam comes Nivernensis ecclesie Pontiniaci et fratribus ibidem Deo servientibus in qua predictus comes et nos comitissa quondam uxor ejusdem Hervei sepulturas nostras elegimus de assensu et voluntate nostra nemus de la Suez libere et absolute in liberam juram et perpetuam elemosynam constante inter nos matrimonio dederit et concesserit in perpetuum possidendum ad anniversarium suum et nostrum annuatim in eadem ecclesia faciendum quam quidem donationem et concessionem ego Mathildis spontanea voluntate tempore viduitatis mee ratam habui et gratam predictam elemosynam confirmamus et presentis scripti patrocinio communimus Quod ut ratum et firmum permaneat presentem paginam sigillorum nostrorum munimine fecimus roborari Actum anno Domini MCCXXXIII