Charter Document - 02360403

Ego Milo dominus Noeriarum notum facio universis presentes litteras inspecturis quod ego ad petitionem hominum nostrorum de Noeriis de amicorum meorum et hominum meorum ligiorum consilio dedi et concessi hominibus meis de Noeriis in burgo Noeriarum et in vicis de Molendinis et Valenoise morantibus quamdiu in antedictis locis manserint ut talem habeant libertatem scilicet ut in festo Beati Remigii quod est in capite octobris quilibet eorum etiam ditior persolvat annuatim mihi decem solidos censualis monete in castro meo supradicto et quatuor bichetos annone ad mansuram Noeriarum nec amplius dictos homines de Noeriis et de viris supradictis compellere debeo neque possum salvis michi reditibus istis inferius annotatis videlicet motura illorum qui ad molendina mea moli facient furni banno censu prepositura muagio ganacis columis terciis furnagio pressoragio salvis etiam reditibus qui vulgo vocantur lox ventes et poix Quos redditus superius nominatos dicti homines michi et heredibus meis reddent sicut antecessoribus meis reddere consueverunt Est sciendum quod ante dicti homines non possunt facere quoqui panem in alios furnos nisi ad proprios furnos meos nec facere pressorari vindemias suas habebunt in s[] de Noeriis nisi ad pressoria mea propria quandiu antedicti homines in locis manserint supradictis Verum ego teneor furnos meos pressoria mea in tali statu habere quod propter antedictorum furnorum vel pressoriorum meorum defectum quantum ad quo quendam pressorendum negotia sua amitere non possint habitantes supradicti homines etiam nominati tenentur ad medietatem sumptuum pro medietate fortalitie Burgi Noeriarum faciende scilicet a porta de Valenoise usque ad portam de Noeriisvilla et ab eadem porta de Noerciisvilla usque ad portam de vico Molendinorum et ego aliam medietatem suplebo Propterea ego teneor facere pontes homines vero jam dicti tenentur ad sumptus suos cum armis ad exercitum et expeditionem si presens ero vel certum meum mandatum ad hoc specialiter destinatum Tenentur etiam ipsi homines ad sumptus suos habere sex custodes de nocte fortalitia dicti burgi custodienda et ego ad sumptus meos teneor portas custodire de die Item ego aliquem predictorum hominum in predicto burgo vel in predictis vicis manentium non debeo in prisionem tenere nec procurare ut in prisionem teneatur dum pro forisfacto hostagium ponere possit et debeat in manu mea vel mei mandati nisi furto homicidio murtro raptu vel tali forisfacto propter quod judicium expectare non audeat neque possit Item si aliquis predictorum hominum pro debito meo vel plegeria mea caperetur ipsum bona fide sine fraude teneor liberare et indempnem meis expensionis propriis servare Si vero predicti homines forefactum fecerint in burgo predicto vel in vicis predictis solum propter quod de rigore juris vel consuetudine patrie et mediente justitia debet mihi persolvi sexaginta solidos de emenda dicta emenda ad quinque solidos reducetur Propterea si filiam meam alicui desponsari vel me ire peregre ultra mare videlicet ad partes Jherosolimitanas vel me capi propter guerra quod absit contigit propter quam captionem redemptionem me solvere oporteret pro quolibet trium supradictorum michi quingentas libras parisienses solvere tenentur quociemcumque alterum trium istorum supradictorum me contingeret facturum vel habiturum nec ad amplius tenebuntur pro quolibet trium predictorum nisi de eorum processerit voluntate In nemore autem meo quod dicitur Fretoy dicti homines habent usarium suum pro negociis peragendis exceptis quercu fajo pomerio etpiro extra vero meum dominium usurarium quod predictum est non possunt ducere nisi ad opus suum proprium peragendum nec etiam dare nec vendere nisi predictis hominibus manentibus in locis predictis quercum vero et fagum de dicto nemore pro edificiis suis in dictis locis et quadrigis suis faciendis et reparandis si a me vel a forestario meo petierint habere debent aliter vero non Item predictis manum mortuam concedendo dedi sicut in litteris karissimi patris mei Milonis bone memorie super hoc confectis plenius continetur Hec autem omnia supradicta absque dolo et fraude bona fide juramento a me corporaliter prestito absque aliqua contradictione me promisi servaturum fideliter et nunquam contra venturum prout superius est expressum Et ad petitionem meam karissimi consanguinei et fideles mei dominus Robertus de Tanlayo dominus Milo de Sancto Florentino dominus Jobertus d'Anceyo dominus Hugo de Chatvero dominus Hugo de Barriaco hec pro me juraverunt et si me quod absit contra predicta vel contra aliquod predictorum venire contingeret predicti milites apud Veziliacum vel apud Autissiodorum prout melius predictis hominibus de Noeriis placuerit hostagia tenentur nec inde exirent quousque quod supra premissis esset emandandum emandaretur ad plenum Dicti siquidem milites ad predicta hostagia tenentur prestito sacramento bona fide infra quindenam post quam a predictis hominibus forent requisiti nisi infirmi tate proprii corporis fuerint detenti ve occasione dominorum ligiorum suorum legitima predicti nec occasione mea quia dominus eorum sum ligius debent antedictis militis ab hoc hostagia remanere Et ut hoc ratum et stabile perseveret annotatum sigilli mei impressione signari et muniri volui et precepi Actum anno Gratie millesimo ducentesimo trigesimo secundo