Charter Document - 02360402
| Charter Number: | 02360402 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1231 - 1232 |
| Date type: | Internal, A.D. |
| Resource Link(s): |
|
Charter:
Magister Michael officialis Senon et Henricus de Noes miles omnibus presentes litteras inspecturis in Domino salutem Noverint universi quod cum Itherius de Paciaco miles coram venerabile patre nostro Galtero Senon episcopo et Nicholao de Alto Villari milite ballivo domini regis fungentibus in hoc auctoritate regia proposuerit contra capitulum Senon quod ipse jure hereditario debebat habere magnam justiciam tocius terre de Verone tam in boscho quam in plano et in viis et quod latro captus in atrio ecclesie de Verone ei tradi debebat nudus ab ipso judicandus et si caperetur extra illud atrium similiter eidem debebat tradi cum omnibus bonis suis Proposuit insuper quod raptus sanguis homicidia murtrum et falsa mensura spectabant ad ipsum et fera ex casu provenientis in terram predictam sua debebat esse Preterea que inveniebantur ibidem fortuito casu ad se pertinere dicebat et ad illum qui inveniebat Proposuit etiam quod ipse poterat et debebat tanquam justicia erigere in dicta terra furcas ad suspendendum latrones et justiciam facere poterat de latronibus ibidem captis que omnia dictum capitulum eidem denegavit Tandem utraque pars de querelis omnibus prenotatis in nos compromisit promittens se ratum et firmum habiturum quicquid a nobis pace vel judicio super hiis ordinaretur et de hoc memoratus Itherius fidem in manu nostra prestitit corporalem Durante igitur compromissione hac ipse miles comperiens se super predictis omnibus indebite jam dictum capitulum molestare in nostra presentia constitutus cum sororibus suis Ranza et Petronilla recognovit se nichil juris in hiis omnibus habere et tam ipse quam dicte sorores ejus quitaverunt in perpetuum spontanea voluntate predicto capitulo Senon si quid juris habebant in omnibus prenotatis promittentes fide prestita corporali quod nullam per se vel alios super hiis de cetero capitulo questionem movebunt nec precabunt nec facient precari quod de hiis prenominatum capitulum ullatenus molestetur Nobilis etiam mulier Maria uxor dicti militis similiter quitavit spontanea voluntate jam dicto capitulo si quid habebat jure dotalicio in omnibus prenotatis In cujus rei testimonium ego Michael officialis sigillo curie Senon ego autem Henricus quia sigillum non habui sigillo curie archidiaconi Senon presentes litteras munimine fecimus roborari Actum anno Domini millesimo ducentesimo tricesimo primo mense martio