Charter Document - 02360401
| Charter Number: | 02360401 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1231 - 1232 |
| Date type: | Internal, A.D. |
| Resource Link(s): |
|
Charter:
Galterus Dei gracia Senon archiepiscopus universis presentes litteras inspecturis salutem in Domino Noverint universi quod cum dilecti filii Adam decanus et capitulum Senon de quibusdam ecclesiis in quibus jus patronatus et medietatem omnium proventium ab antiquis temporibus obtinebant videlicet ecclesia de Nangiis ecclesia de Castelleto ad instantiam precum nostrarum propter multimoda animarum pericula ob multitudinem et diffusionem parrochianorum frequenter emergentia alias ecclesias decidissent ne quid tam pie et salubriter fecerunt in ecclesie sue dispendium alicujus calumpnie malicia possit in posterum retorqueri volumus et concedimus ut in prescriptis ecclesiis et in aliis ab eisdem decisis videlicet ecclesia de Grenis ecclesia de Footins ecclesia de Baali cum jure patronatus omnium proventium in perpetuum percipiant medietatem cum ea penitus libertate in qua tenent alias ecclesias ad suam donationem pertinentes Quod ut ratum permaneat presens scriptum sigilli nostri munimine dignum duximus roborari Datum anno Domini millesimo ducentesimo tricesimo primo mense marcii