Charter Document - 02360396
| Charter Number: | 02360396 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1231 |
| Date type: | Internal, A.D. |
| Resource Link(s): |
|
Charter:
Ego Josbertus dominus Ancei Franci notum facio universis presentes litteras inspecturis quod ego precepi fratribus Templi de domo Sancti Medardi quod capiant duos sestarios bladii in molendinis Ancei Franci annuatim quos dominus Puncius de Valzejoaniles sibi dedit in elemosinam pro legato suo cujus bladii medietas est frumenti et alia ordei et illi duo sestarii sunt reddendi in nativitate Sancte Marie et hoc ego Josbertus et Johanna sponsa mea et Willelmus filius meus et omnes alii pueri mei laudamus et confirmamus Et hujus rei testes sunt dominus Adam Ancei miles et Johannes prepositus et Stephanus clavigera ejus et propter hec presentes litteras in testimonium istius rei munimine sigilli mei feci sigillari Actum anno Domini MCCXXXI mense septembri