Charter Document - 02360389
| Charter Number: | 02360389 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1231 |
| Date type: | Internal, A.D. |
| Resource Link(s): |
|
Charter:
Ego Guillelmus comes Joviniaci notum facio presentibus et futuris quod cum esset contentio inter me ex una parte et viros religiosos abbatem et conventum Pontiniaci ex altera super centum solidos Pruvin annui redditus quos dicti abbas et conventus habebant apud Joviniacum de dono fratris mei Petri quondam comitis Joviniaci tandem in presentia reverendi patris et domini Galterii Senon archiepiscopi inter nos amicabiliter pacificatum est in hunc modum videlicet quod pro predictis centum solidis Pruvin quos dicti abbas et conventus habebant apud Joviniacum de dono dicti Petri predecessoris mei et pro quatuor libris Autissiod annuis quas habebant apud Colongiam Vinosam de dono bone memonie Guillermi patris mei dedi et assignavi eis octo libras Autissiod in reditibus prepositure de dicta Colongia Vinosa singulis annis in festo S Remigii sine contradictione percipiendas et hoc laudavit Elisabeth uxor mea Quod ut ratum et firmum permaneat presens scriptum sigilli mei appositione roboravi Actum anno Domini MCCXXX primo