Charter Document - 02360386

Omnibus presentes litteras inspecturis P ecclesie Beati Jacobi Pruvin dictus abbas salutem in Domino Noverint universi quod constitutus in presencia nostra dominus Balduinus de Baillioleo miles voluit et laudavit vendicionem quam fecit venerabilibus viris decano et capitulo Senon dominus Ellebaudus de Valenessa miles de uno modio avene laudabilis annui redditus ad mensuram Senon in decima de Correcel ita quod si decima non sufficeret in terragio quod ibidem habet dictus E et tenet cum predicta decima in feodum a supradicto B caperetur residuum quod deesset antequam dictus E vel heredes ipsius aliquid caperent in terragio supradicto Hanc etiam vendicionem karissima mater nostra Margaretha de Serginis a qua dictus G miles supradicta tenebat coram nobis voluit et laudavit Actum anno Domini MCCXXX Predictus vero Ellebaudus miles in Senon curia constitutus recognovit coram nobis se predictis decano et capitulo de dicto uno modio avene fecisse vendicionem sicut superius est expressum et pro viginti libris paris quas confessus est se in pecunia numerata recepisse ab executoribus legati defuncti Stephani Giraudi in cujus anniversario dictus modius avene canonicis ejus servicio assistentibus debet distribui annuatim Recognovit etiam quod ille modius avene reddi debet singulis annis infra octabas Beati Remigii apud Corecel Fiducians se laturum eisdem decano et capitulo garentiam debitam super illo et se nichil per se vel per alium in eo reclamaturum De garentia vero ferenda Petrus de Serginis et Petrus de Misseriaco milites coram nobis erga dictos decanum et capitulum se plegios obligarunt Et Petrus filius dicti Ellebaudi predictam vendicionem coram nobis voluit et laudavit et fiduciavit se contra eam de cetero non venturum et se in eodem modio avene nichil in posterum reclamaturum Quod autem in predictis litteris verbo ad verbum vidimus contineri et coram nobis fuit recognitum sub sigillo Senon curie testificamur sine juris prejudicio alieni Datum anno Domini MCC tricesimo mense februario