Charter Document - 02360383
| Charter Number: | 02360383 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1230 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Michael officialis Senon in Domino salutem Noverint universi quod Willelmus de Novilla miles in nostra presentia constitutus sex arpenta terre sita circa petram sitam inter Syxtam et Gisiacum super Orosam aquam quatuor quorum Oda de Serbone miles dicitur vendidisse Petro de Serginis militi et duo dedisse monialibus de Curia Beate Marie tanquam dominus feodaliter eisdem monialibus laudavit et concessit perpetuo pacifice possidenda promittens fide data quod a nobili muliere Maria uxore sua ea jam dictis mulieribus monialibus laudari faciet et concedi et duodecim denarios censuales quos idem Willelmus habebat sicut dicebat super duas pecias terre prope dictam petram quos Petrus de Thoiriaco miles dicitur vendidisse monialibus supradictis quos duodecim denarios supradictos Willelmus de Novavilla coram nobis ipsis monialibus confessus est se in perpetuam elemosinam contulisse Actum anno Gracie MCCXXX