Charter Document - 02360380
| Charter Number: | 02360380 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1229 - 1230 |
| Date type: | Internal, A.D. |
| Resource Link(s): |
|
Charter:
Ego Joannes de Sailenaio notum facio universis presentes litteras inspecturis quod cum karissimus dominus meus Theobald comes Campanie dedisset michi et heredibus meis in perpetuum XL libratas redditus videlicet XX lib in nundinis Sancti Aygulphi de Pruvino et in sequentibus nundinis Sancti Remigii Trecen XX lib ego propter hoc feci homagium ligium dicto comiti Campanie contra omnes salva ligeitate domini Stephani mei fratris ita quod heres ille meus qui tenebit Bellummontem habebit feodum illud et exinde erit homo ligius dicti comitis salva tamen ligeitate domini Stephani fratris mei Et sciendum quod si dominus comes Campanie potest acquirere erga dominum Erardum de Brena feodum de Bello Monte et de appendiciis quod dominus Stephanus frater meus tenet de eodem Erardo et quod ego teneo de eodem Stephano ego et heres meus qui tenebit Bellum Montem erimus homines ligii comitis Campanie contra omnes si autem feodum illud acquirere non potest dominus comes ego ero homo suus eo modo quo superius est notatum Creantavi siquidem et creanto predicto domino comiti Campanie quod ego juvabo ipsum de toto posse meo contra ducem Burgundie et contra omnes coadjutores suos de guerra quam modo habet erga eos nec hoc remanebit propter dominum Stephanum fratrem meum juvabo etiam ipsum contra omnes alios nisi ipse dominus comes guerram habeat in capite contra dominum Stephanum fratrem meum In hujus rei testimonium presentes litteras fieri volui sigillo meo roboratas Actum anno Gracie MCCXXIX mense martio